حصـــــــــــــــرى إلى كل بنوتة تحلم بالنقاب
ومش قادرة تلبسه عشان أهلها مش موافقين وقادت صوابعها العشرة شمع وبرضه مش راضييييييييييييييييييين !!!!
هقولك إزاى تلبسى أحلى نقاب فى 6 خطوات و بــــــــــــس ツ
و المقــــادير فى متناول أى بنوتة مسلمة
الخطوة الأولى :
•٠·•٠·•٠·•٠·•٠·
الصدق مع الله و اليقين به قبل كل شئ واهم من اى شئ أكييييد
"أصدقى الله يصدقك "
وأوعى وإياكى تنسى الدعاء وقيام الليل
الخطوة الثانية :
•٠·•٠·•٠·•٠·•٠·
قدرة على اتخاذ القرار وعدم التسويف نهائى
الخطوة التالتة :
•٠·•٠·•٠·•٠·•٠·
سيطرة على النفس والثبات والعدم تراجع مهما كانت الضغوط حواليكى او حتى لو كانت من جواكى "إن النفس لأمارة بالسوء إلا مارحم ربى "متخليهاش تغلبك من اول جولة أغلبيها انتى من قبل ماتبدا الجولــــــــــــة
الخطوة الرابعة :
•٠·•٠·•٠·•٠·•٠·
الزن متعرفيش تزنى ياما فضلنا نزن على حاجات كتير تافهة واحنا صغيرين وحتى واحنا كبار نيجى بقى على النقاب ونبطل زن ؟؟!!
يبقى مش عايزاكى تبطلى زن ليل ولا نهار لغاية مايحدفوكى بالطماطم وساعتها اوعى تجيبى سيرتى ツ
الخطوة الخامسة :
•٠·•٠·•٠·•٠·•٠·•٠·
إن النقاب يبقى قضيتك الى انتى عايشة بيها وليها ساعتها بس هتقدرى تواجهى كل الناس وهتحسى أد ايه ربنا هيمدك بقوة فى كلامك مش هتعرفى هى جاية منين بس انا هقولك جات منين ؟؟
ربنا "عز وجل " قال فى الحديث القدسى فيما معناه انه لو أحب عبده بيبقى سمعه الذى يسمع به وبصره الذى يبصر به ولسانه الذى يتكلم به ويده التى يبطش بها
فمتستغربيش تانى وتقولى القوة ولاالكلام ده دى جاه منين
قال الله تعالى " وما رميت إذ رميت ولكن الله رمى " صدق الله العظيم
لاتخافى مادام الله معك وإن كان الله معنا فمن علينا ツ
الخطوة السادسة:
•٠·•٠·•٠·•٠·•٠·•٠·
خلاص بقى نقول مبـــــــــــــــــارك عليكى النقاب
ولبستى جديدا وعيشتى سعيدا وتزوجتى تقيا وتبوأتى من الجنة منزلا
الأربعاء نوفمبر 05, 2014 2:01 pm من طرف 
